Ұлттық зияткерлік меншік институты
2026 жылғы 6-10 сәуір аралығында Л.Б. Гончаров атындағы Қазақ автомобиль-жол институтында дәстүрлі Ғылым апталығы өтуде. Бағдарлама аясында 7 сәуір күні Kazpatent филиалының бас сарапшысы Раушан Джетыбаева "Қазақстандағы өнертабыстар мен пайдалы модельдерді патенттеу" тақырыбында бейінді баяндама жасап, студенттер, аспиранттар мен оқытушылардың қызығушылығын тудырды. Спикер өтінім берудің және сараптаманың негізгі кезеңдерін, патентке қабілеттілік шарттарын егжей-тегжейлі талдады.
Kazpatent практиктерінің ЖОО-ның ғылыми іс-шараларына қатысуы жастардың зияткерлік меншікті қорғау мәдениетін қалыптастыруға ықпал етеді. Ұйымдастырушылар Раушан Джетыбаеваға мазмұнды дәрісі үшін алғыс білдіріп, инновацияларды құқықтық сүйемелдеу саласындағы ынтымақтастықты жалғастыруды жоспарлап отыр.
