Колл-центр
+7 (7172) 62-15-15
+7 (7172) 62-15-16
kazpatent@kazpatent.kz

Өтiнiм және оған қоса тiркелетiн құжаттар

«Тауар таңбалары, қызмет көрсету таңбалары және тауар шығарылған жерлердің атаулары туралы» ҚР Заңының 8-бабының 1, 3-тармақтарына сәйкес тауар таңбасына өтінімді сараптама жасау ұйымына бір өтініш беруші береді.

«Тауар таңбалары, қызмет көрсету таңбалары және тауар шығарылған жерлердің атаулары туралы» ҚР Заңының 9-бабының 2-тармағына және Тауарлық таңбаға өтінімді жасау, ресімдеу және қарау ережелерінің 2-тармағына сәйкес өтінім 3 данада үлгілік бланкіде беріледі. Сонымен бірге өтінім электрондық цифрлық қолтаңбамен куәландырылған электрондық құжат түрінде берілуі мүмкін.

Тауар таңбасына өтінімінде:

  1. өтiнiм берушiнi, сондай-ақ оның орналасқан жерiн немесе тұрғылықты жерiн көрсете отырып, белгілемеге сараптама жүргiзу туралы өтiнiштi;
  2. 8*8 өлшемі бар 15 дана мәлімделген белгіні;
  3. Тауарлар мен қызметтердiң халықаралық сыныптамасына сәйкес тауарлардың және (немесе) қызметтердiң тiзбесiн қамтуға тиiс.

Өтінімге:

  1. сараптама жүргiзу жөнiндегi сараптама жасау ұйымы қызметтерiнiң ақысы төленгенiн растайтын құжат қоса тiркелуге тиiс. Төлем мөлшерi Қазақстан Республикасының заңдарына сәйкес белгiленедi;
  2. iс жүргiзу өкiл арқылы жүзеге асырылған жағдайда сенiмхат;
  3. ұжымдық тауар таңбасын өз атына тiркеуге уәкiлеттi ұйымның атауын, бұл таңбаны тiркеу мақсатын, осы таңбаны пайдалануға құқылы субъектiлер тiзбесiн, ұжымдық тауар таңбасымен белгiленетiн тауарлар мен көрсетiлетiн қызметтердiң тiзбесi мен бiрыңғай сапасын немесе өзге де сипаттамаларын, оны пайдалану шарттарын, оны пайдалануды бақылау тәртiбiн, ұжымдық тауар таңбасы жарғысының ережелерiн бұзғаны үшiн жауаптылықты қамтитын ұжымдық тауар таңбасы жарғысы (ұжымдық тауар таңбасына өтiнiм берiлген жағдайда) қоса тiркелуге тиiс.
  4. Өтiнiм және оған қоса тiркелетiн құжаттар қазақ немесе орыс тiлiнде табыс етiледi.

Өтінімнің құжаттары «Тауар таңбалары, қызмет көрсету таңбалары және тауар шығарылған жерлердің атаулары туралы» ҚР Заңының 9-бабының 2-тармағына және Тауарлық таңбаға өтінімді жасау, ресімдеу және қарау ережелерінің 2-тармағына сәйкес ресімделуі тиіс. 

Тауар таңбасын тіркеу туралы өтініш (doc, 185 Kb) 

Тауар таңбасын пайдалануға құқық беру туралы лицензиялық шарт (doc, 112 Kb)